Home Uncategorized Polis dunando abuso di bestia atencion, na un cas na Balashi cacho...

Polis dunando abuso di bestia atencion, na un cas na Balashi cacho cera den un cage sin dak

SHARE

Diasabra un polis atento a subri riba Facebook, riba e facebook page di Animal Abuse Report Aruba y a mira varios potret horibel y tristo di abuso di bestia cu ta pasando riba nos isla.

Na un cas na Balashi nan a mira cu tin un cacho cera den un haula traha di betonmat, e haula no tabata tin dak y no tabata tin niun caminda cu e cacho por a sconde pa awa of pa solo.
Mesora un patruya a bay na e cas y na e sitio a papia cu un dama y cu enberdad a declara cu algun dia pasa un dama di dierenbescherming a pasa na e cas y nan a papia caba tocante e cacho.
Segun e dama na e sitio, ta e cacho a kibra cadena y e mester a hinka e cacho den e haula pa warda te ora su yiu yega pa mare bek.
Polis a hala su atencion y a bise cu e cacho mester ta un caminda cu ni solo of awa lo por muh’e. E dama na e cas a compronde y a keda di pone su yiu na altura di esaki.
Chef van dienst di  Polis, tambe a wordo poni na altura y e caso aki lo haya atencion.
Pueblo di Aruba, ban yuda proteha y defende tur animal indefenso, si bo mira cualke abuso di bestia tumando lugar, djes tuma un rato y raporta esaki riba e Facebook Page cu adres of yama polis, pa asina Polis por sali na defensa di e animalnan cu no por defende y ni proteha nan mes.