Diasabra prome cu 7 or di anochi, polis, brandweer y ambulance ta wordo manda cu urgencia pa un accidente na altura di Sun Plaza Mall.
Na yegada nan ta topa cu un Mitsubishi Lancer gebolter y ta bin compronde cu e chauffeur kende tabata mustra bou influencia, lo a perde control, dal contra un palo di lus, kibrando esaki y despues a bolter cu su auto.
E chauffeur tabata haci fastioso y despues cu personal di ambulance a haci un checkeo medico cune, Polis a detene e chauffeur.
Elmar a wordo poni na altura y e caminda a keda un rato cera, despues cu takelwagen hala e auto for di riba caminda y polis a caba cu nan investigacion, e caminda a wordo habri bek pa trafico.
