Home Uncategorized Atraco arma riba La Estrella, atracadornan ta laga e showcasenan bashi

Atraco arma riba La Estrella, atracadornan ta laga e showcasenan bashi

SHARE

Diasabra algo prome cu 7 or di anochi, polis ta wordo pidi pa bay cu urgencia na La Estrella den Certified Megamall, pa un atraco arma cu a caba di sosode.

Na yegada polis ta haya e trahadornan basta spanta y nan ta splica polis cu dos homber di habla spaño a drenta arma y a exigi joyas, despues cu nan a piki mas o menos 80% di tur e joyasnan, nan a menasa e trahadornan di no mira den cua direccion nan ta bay, nan a mira a sali bay direccion panort pero di eynan no ta conoci si cua direccion nan lo a bay.

Riba e filmacion di e camaranan di seguridad, por a mira cu ambos enberdad tabata arma y un di nan tabata halto bisti na preto, cu short y cu pechi cora e otro cu pechi scur aparentmente preto y tabata tin un jeans bisti. E dos atracadornan a menasa e trahadornan y despues a para piki joyas masha trankil mes, hinka nan den un saco.

Despues cu nan a laga e showcasenan casi full bashi, trankilamente nan a sali for di e negoshi y a cana bay, door di nan comportacion trankilo esnan cu tabata den Certified Mega mall no a ripara nada.

Na e sitio a presenta varios unidad di polis, atraco team, slachtofferhulp y departamento technico di Polis. E caso aki ta bou investigacion.