Home Uncategorized Accident cu hopi daño material

Accident cu hopi daño material

SHARE

Diadomingo mainta na momento cu patruya di San Nicolas a sali pa bay un asistencia, nan ta topa cu un accident cu hopi daño material y un persona levemente herida, esaki a sosode na e crusada Weg Seroe Preto cu Isaac Wagemakerstraat.

Na yegada nan ta bin compronde cu e chauffeur di e Toyota Yaris no a duna e Honda cu tabata biniendo di panort  preferencia y a sali su dilanti.  E impacto fuerte a pone cu ambos auto a bay dal contra un cura y a kibra esaki.

Un persona a keda levemente herida, despues cu personal di ambulance a trat’e na e sitio a transport’e pa Imsan. Polis di trafico a presenta na e sitio pa atende cu e accidente aki.