Home Uncategorized UNESCO Aruba a entrega mas cu 136 mil na subsidio BNA contento...

UNESCO Aruba a entrega mas cu 136 mil na subsidio BNA contento di por a ricibi subsidio for di UNESCO

SHARE

ORANJESTAD –Na e sede den edificio monumental den Zoutmanstraat 1, secretario General di UNESCO, sra. Zetsia Ponson, a haci entrega di un check na directora di Biblioteca Nacional di Aruba (BNA) sra. Astrid Britten.

UNESCO ta resorta bou di Ministerio di Asuntonan General di Prome Minister Mike Eman. Aunke Prome Minister Eman no por tabata presente, el a expresa di ta hopi satisfecho cu e trabou cu ta wordo realisa door di oficina di UNESCO na Aruba. Principalmente mirando con organisacionnan local ta wordo beneficia door di nan intermediacion.

T’asina cu den cuadro di UNESCO su Programa di Participacion 2016-2017, diferente instancia local a entrega un peticion pa subsidio pa ehecucion di  nan proyecto. UNESCO Aruba, cumpliendo cu e reglanan vigente di UNESCO Paris a evalua e proyectonan aki, duna nan un prioridad y manda nan pa e oficina principal na Paris. Aki atrobe e proyectonan ta wordo evalua y ta stipula e suma cu lo duna na subsidio. Cuater proyecto a keda aproba pa un suma total di 136.893,75 florin.

 

Diahuebs atardi durante un ceremonia chikito na oficina di UNESCO Aruba a haci entrega di e ultimo subsidio na e instancia concerni cu ta Biblioteca Nacional Aruba. Esaki mediante firmamento  di un acuerdo pa ehecucion di e proyecto den cual e condicionan ta stipula.

 

Aki ta sigui un resumen di esnan cu a ricibi subsidio, e proyecto y e suma.

 

 

Instancia Proyecto Suma AWG
Wit Gele Kruis Sexual Education Training for Teachers 35.000,-
Fundacion Hende Muhe Den Dificultad Reintroduction of the ‘Teen Dating Violence’ Program in Aruban Middle Schools 35.000,-
Universidad di Aruba Assessing Media Development in Aruba : Pressure Cooker Marathon 35.000,-
Biblioteca Nacional Aruba 21st Century Skills, Digital Literacy 31.893,75

 

 

 

Sra. Astrid Britten a expresa su gratitud cu nan Proyecto a wordo aproba door di UNESCO Paris y a sigura cu e subsidio aki lo wordo bon usa pa e metanan educativo cu BNA ta sirbi. Tambe tabata presente na e ceremonia Luc Alofs (Presidente di Comision Nacional  UNESCO Aruba), Peter Scholing (Beleidsmedewerker BNA) y Joureen Lacle Kelly (Admin. di UNESCO Aruba).

Hopi ta esnan cu ta puntrando ki momento por haci entrega di peticion nobo pa subsidio den

cuadro di UNESCO su Programa di Participation. UNESCO Aruba lo anuncia esaki mas despues den medionan di comunicacion acompaña cu informacion necesario tocante e condicionnan pa por entrega un peticion.