Home Uncategorized Ehempel di seriedad, capacidad y responsabilidad Archibald Dick ta celebra 10 aña...

Ehempel di seriedad, capacidad y responsabilidad Archibald Dick ta celebra 10 aña trahando na Post Aruba

SHARE

ORANJESTAD, Aruba – 11 di januari 2016: Durante un encuentro ameno na Post Aruba NV, empleadonan a bini hunto pa celebra e hecho cu 10 aña pasa, pa ta exacto dia 8 di januari 2007, Archibald Dick a drenta servicio como e Interim Manager di e departamento di Finansas. Na januari 2008, el a asumi e funcion di Manager di Contabilidad pa despues asumi e posicion di Manager di Finansas, cual e ta eherce te dia di awe.

Archibald Dick ta masha stima pa un y tur na Post Aruba NV, pa su disposicion positivo, cla pa yuda y duna conseho. Otro cualidad ta su seriedad den trabao como tambe su capacidad di responsabilidad. E ta un bon guia pa su team y semper amabel.

Ta pesey mes empleadonan gustosamente a reuni un rato y asina dun’e e reconocemento bon mereci y sperando di por sigui conta riba su sabiduria y colegialidad.

A funda e compania priva Post Aruba N.V. na aña 2005. Su oficina principal ta situa na J.E. Irausquin Plein # 9 na Oranjestad y tin 3 oficina adicional na Santa Cruz, Noord y San Nicolas. Ey ta ofrece tur tipo di servicio, for di manda un envelop, te na carga pisa. Mas cu djis un servicio, e empleadonan atento ta percura pa tanto comunidad como sector comercial por comunica cu otro.

Pa mas informacion riba servicionan di Post Aruba N.V., bishita e website www.postaruba.com of check nan paginanan riba Facebook, cu ta E-Post Aruba y Aruba Stamps.