Home Politics Prome Minister Mike Eman a realisa bishita extenso na Santa Rosa

Prome Minister Mike Eman a realisa bishita extenso na Santa Rosa

SHARE

ORANJESTAD – Den calidad oficial como Minister di Sector Primario, Prome Minister Mike Eman a haci un bishita na Departamento di Agricultura, Cria y Pesca Santa Rosa diaranson mainta. Cu guia di director Natalie Maduro, Premier Eman a pasa den tur departamento, seccion conociendo cada funcion y su trahadornan. E tabata un recorido masha interactivo caminda e mandatario a haci hopi pregunta mescos cu a trece dilanti idea y plan dilanti.

Minister President Eman ta sumamente entusiasma cu e posibilidadnan cu e tereno aki ta ofrece. El a gradici su colega cu anteriormente a hiba e departamento aki unda cu e ta y ta reafirma su compromiso pa sigui riba e caminda di progreso. E posibilidadnan ta hopi y e mandatario ta specialmente interesa den desaroya e actividadnan di cultivo conectando esakinan na e vision di sostenibilidad pa nos isla.

Despues di a pasa dor di e instalacionnan di Santa Rosa ubica na Piedra Plat, Prome Minister Eman a sinta cu directiva di e departamento den compania di su ekipo di trabou. E parti aki a dura un par di ora caminda a pasa minuciosamente riba tur aspecto cu tin mester di atencion y di e manera aki ta pone man na obra.

Mester bisa cu e comunicacion cu Santa Rosa, su directiva y personal ta canando formidabelmente. Pesey mes ta premira cu e continuacion di e proyectonan exitoso y ehecucion di maneho pa futuro lo ta uno hopi satisfactorio. Minister President Mike Eman tin e interes di e departamento, su personal y sigur tambe di e clientenan agricultor y criador di bestia, na pecho y lo haci su maximo esfuerzo pa Aruba completo ta orguyoso di su sector primario.