Home Uncategorized Post Aruba a anuncia ganadonan di e campaña di Pasco di E-Post...

Post Aruba a anuncia ganadonan di e campaña di Pasco di E-Post Milanchely Richardson ta bay Miami y Xiomara Christiaan a gana regalo

SHARE

ORANJESTAD, Aruba – 6 di januari 2016: Despues di a tene un exitoso campaña di Pasco, Post Aruba N.V. a anuncia su dos feliz ganadonan. E prome tabata un pasashi ida y buelta pa 2 persona pa Miami. Di cual e premio aki a ser rifa entre tur e personanan cu tabata ricibiendo pakinan den luna di  December.

E di dos premio tabata e “Wish List” pa gana e regalo di Pasco cu bo ta desea.  Pa participa tur loke mester a haci ta “Like” e pagina di E-Post Aruba riba Facebook, busca cualkier articulo cu bo ta desea online na un balor maximo di US$100 y pone e link di e articulo riba e pagina di Facebook di E-Post, pa asina bo ta den wega.

Di tur esunnan cu a participa den e tremendo campaña di Pasco di Post Aruba N.V. a scoge e dos ganadonan den persona di Milanchely Richardson cu a gana un pasashi pa dos persona pa Miami y Xiomara Christiaan su deseo a bira realidad. Su deseo ta na caminda pa Aruba cu “shipping” inclui!

Milanchely prepara bo maletanan pa bo trip pa Miami!