Home Uncategorized SOSEGA NA PAZ JOAQUIN VRIES

SOSEGA NA PAZ JOAQUIN VRIES

SHARE

Partido AVP un bes mas ta tuma despedida di un di su baluartenan. Un di su hendenan cu tabata parti di e fundeshi di nos Status Aparte. Awe partido AVP, hunto cu famia, amigo y conocirnan ta hiba Joaquin Vries na su ultimo lugar di sosiego, esaki despues di un bida bon biba cu su casa y yiunan. Tabata den añanan 80 cu Joaquin Vries a subi lista di partido AVP pa prome bes durante un periodo Aruba  tabata pasando den momentonan dificil mientras e isla tabata para na vispera di su Status Aparte, un anhelo grandi despues di un lucha cu a wordo hiba pa hopi aña y a culmina dia prome di Januari 1986. Joaquin tabata un trahado balente. Pa 32 aña largo el a traha na DOW y tabata activo den sindicato GABA cu el a lidera pa un temporada. Na su partido AVP el a keda fiel te na final. Partido AVP ta desea su famia y amistadnan hopi forsa den e dianan aki. Corda semper cu boso casa, tata y amigo tabata un homber corecto, un hende humilde cu un curazon grandi pa su isla y su hendenan. Sosega na paz Joaquin. Cana bo ultimo caminda cu pasonan firme pa yega e final unda nos Creador lo topa cu bo y hiba bo na bo ultimo lugar di sosiego.

Den nomber di partido AVP
MIke Eman