Home Uncategorized Segun MEP: MIKE EMAN TA SIGI BUSCA PLEITO CU GOBERNADOR Kiko...

Segun MEP: MIKE EMAN TA SIGI BUSCA PLEITO CU GOBERNADOR Kiko esaki ta bisabo di Mike Eman?

SHARE
Ningun caminda na mundo bo ta haya e situacion den cual e prome minister di e pais ta bringa su gobernador. Kiko esaki ta bisabo di Mike Eman?
Pa hopi hende e ta simplemente un actitud infantil, otro ta bisa ta señal di mala criansa.
Pa compronde e actitud y comportacion di Mike Eman mihor, nos mester analisa prome con importante e relacion cu Reino ta pa Mike Eman: inmensamente importante.
Mike Eman a gana eleccion na anja 2009 primintiendo un bon relacion den Reino. Mike Eman a dedica e ultimo 4 anjanan di su bida den oposicion ta lobby na Hulanda pa demonisa MEP. El’a paga cuantioso miyones na personanan na Den Haag pa lobby p’e, y finalmente el’a logra crea e PERCEPCION cu e relacion entre MEP y Hulanda tabata malo.
Pero e tabata un PERCEPCION, pasobra den realidad e gobiernonan di Hulanda y MEP tabata trata otro mayoria vez cu respet y e relacion tabata bon. Gobierno di Aruba tabata cumpli cabalmente cu exigencianan di Hulanda. Prome cu el’a retira como minister di finansas y economia, sr. Nilo Swaen a haya elogio so di secretario di estado sra. Ank Bijleveld: Cijfermatig gezien valt de situatie bij de overheidsfinancien mee. Het financieringstekort was de afgelopen jaren (afgezien van een enkele negatieve uitschieter) niet buitensporig hoog en ook de staatsschuld, die rond de 45% BBP ligt, is lager dan die van vele EU lidstaten
Mescos ta conta pa otro ministernan cu tabata den cumplimento cu raportahenan periodico na Hulanda. Pues NO ta berdad cu MEP tabata tin un mal relacion cu Hulanda, sigur no compara cu loke nos a mira bou gobierno di AVP.
Bou maneho di Mike Eman, den cual supuestamente e relacion tabata “bon”, nos a mira pleito na 2014 tocante situacion financiero di Aruba, cu a condusi cu e minister di finansas Juan David Yrausquin a tuma su retiro, pa mustra Hulanda su mal contento.
Den cual Mike Eman a bai den welga di hamber pa mustra Hulanda su malcontento.
Caminda Mike Eman a haya curatela financiero y un KB riba su cabes.
Y den cual ni siquiera un nombracion simple pero importante manera un Gobernador, Mike Eman no por a hasi drechi.
Abo ta kere ainda cu e relacion entre Hulanda y AVP ta bon? Y abo ta kere ainda cu e relacion entre Hulanda y MEP tabata malo? Claro cu no! Mike Eman a ponebo pensa esey.
DICON MIKE EMAN A CREA E PERCEPCION EY?
Pasobra Mike Eman no por a gana eleccion cu e berdad, nio basa riba e realidad. Mike Eman a crea percepcion y mentiranan so. Pasobra creando e percepcion, e por a ganja bo cu e ta bai mehora e situacion. Puntra bo mes: e situacion awe ta mihor cu na 2009? Criminalidad y seguridad, costo di bida, cuido di salud, desempleo, relacion cu Hulanda. Ningun ta mihor. Nan no a elimina e BBO, y nan no a drecha e relacion cu Hulanda. Al contrario, AVP a aumenta e BBO y nan a daña e relacion cu Hulanda.
DICON TA IMPORTANTE PA ABO SA ESAKI?
Realisa pa bo mes, kiko ta resta di e percepcion di Mike Eman si ni e relacion cu Hulanda e por a maneha drechi? No a resta nada mas! Mike Eman ta un homber derota! E por hinca tur su miyones den campanjanan pa influencia bo percepcion y pa ganja bo atrobe, pero e lo no logra e biaha aki.
Mike Eman a faya, y e mester bai. MIke Eman y AVP: NUNCA MAS!
Attachments area