Home Police Dos turista masculino deteni como sospechoso den un caso di fraude cu...

Dos turista masculino deteni como sospechoso den un caso di fraude cu credit card

SHARE

Diadomingo den oranan di mainta, team di recherche di strandpolitie ta canta bingo, na momento cu nan ta logra detene dos turista hoben como sospechoso di fraude cu Credit Card.

Diadomingo, 1 di january a yega un famia mericano, Aruba pa pasa un siman di vakantie na Aruba. Dos miembro masculino di e famia, aparentemente dos ruman homber a bay shop den varios negoshi, cumprando hopi cos di balor y usando como forma di pago un credit card cu a wordo raporta como horta. Despues cu autoridad local a haya e informacion aki, mesora a cuminsa un investigacion di parti recherche di strandpolitie.

Diadomingo mainta prome cu nan a bay pa check out, e recherchenan di strandpolitie a bay na e hotel na Palm Beach caminda nan tabata hospeda y a logra detene e dos rumannan sospechoso di fam H. E detencion a sosode un rato prome cu nan a check out pa bay Airport.

No ta conoci si e otro miembronan di famia tabata na altura cu e dos hobennan aki tabata pasa paga cu un credit card horta. Tampoco no ta conoci si e otro 3 miembronan di famia a bandona Aruba riba e mesun dia of a keda Aruba pa mas dia.